د کار او ټولنیزو چارو وزارت له لوري په تورخم او سپین‌بولدک کې د راستنیدونکو هیوادوالو د ثبت لړۍ دوام لري
د افغانستان اسلامي امارت له لوري بېرته راستنېدونکو هیوادوالو ته د خدماتو د تنظیم کميټې سره په هم‌غږۍ، او د کار او ټولنیزو چارو سرپرست وزیر الحاج ملاعبدالمنان عمري د هدایت سره سم، د کندهار ولایت په سپین‌بولدک او د ننګرهار ولایت په تورخم ښارګوټي کې د کار او ټولنیزو چارو وزارت مېشتو تخنیکي ټیمونو، د خپلو تېرو فعالیتونو په دوام پرون یکشنبه د ۱۴۴۵ د جمادي‌الثاني په ۳مه نیټه؛ ۱۹۲ تنه راستنیدونکو هیوادوالو تجربه، تحصیل، او مهارت په خپل سیستم کې ثبت کړل؛ ترڅو یادو هیوادوالو ته په راتلونکې کې د کاري زمینې په برابرولو کې اسانتیا رامنځته شي.
