د بشري قواوو او تفتيش نويو رئيسانو رسما په کار پيل وکړ

naweed_admin
سه‌شنبه ۱۴۰۱/۹/۸ - ۱۴:۳۴
E

د کار او ټولنيزو چارو وزارت د سرپرست وزير ملا عبدالولي څارنوال( حاجي وارث) په وړانديز او د ا.ا.ا رئيس الوزراء الحاج ملا محمد حسن اخند په منظورۍ، مولوي حسين احمد د بشري قواوو او مولوي سعدالدين د داخلي تفتيش د نويو رئيسانو په توګه و ګمارل شول. 
نوموړي رئيسان د يو لړ مراسمو په ترڅ کې د مالي او اداري چارو مرستيال مولوي دين محمد حقبين‌ او د وزارت مقام د دفتر رئيس ملا شرف الدين شرف له لوري د يادو رياستونو کارکوونکو ته ور و پيژندل شول. 
د مالي او اداري چارو مرستيال او وزارت مقام د دفتر رئيس د يادو رئيسانو د پيژندنې ناسته کې، نوموړي رئيسان په کار پوه مجاهدين او ا.ا.ا ته ژمن کسان ياد کړل؛ له نويو رئيسانو او ټولو کارکوونکو يې و غوښتل؛ څو له يو بل سره په ښه همکارۍ خپلې دندې مخته يوسي. 
د بشري قواوو او داخلي تفتيش رئيسانو د خپلو خبرو په ترڅ کې د وزارت مقام له باور څخه د مننې ترڅنګ ژمنه وکړه، چې د وزارت رهبرۍ او خپلو کاري ټيمونو سره په ښه همغږۍ به اړونده کارونه مخته وړي. 
د ويلو دی، چې د بشري قواوو نوی لوی رئيس مولوي حسين احمد وړاندې تر دې د کار او ټولنيزو چارو وزارت اړوند د داخلي تفتيش د رئيس په توګه دنده مخته وړله.

آخرین اطلاعیه هاآخرین اطلاعیه ها

پنجشنبه ۱۴۰۰/۲/۱۶ - ۹:۲۱
Background image

خبرتیا

د غویی اتمه (د افغانستان د خلکو د مقدس جهاد د بریا ورځ) په هیواد کې عمومي رخصتي ده.

تازه خبرونه

پنجشنبه ۱۴۰۱/۱۱/۶ - ۲۰:۱۴
Background image

د کار او ټولنیزو چارو نوی سرپرست وزیر کارکوونکو ته معرفي شو


د افغانستان اسلامي امارت د عالیقدر امیرالمؤمنین شیخ القرآن والحدیث مولوي هیبة الله آخندزاده حفظه الله د ۴۱۷  ګڼې،  ۲۳/۶/۱۴۴۴ نیټې د فرمان په اساس ملا عبدالمنان عمري د کار او ټولنیزو. . .

پنجشنبه ۱۴۰۱/۱۰/۲۲ - ۱۰:۵۵
Background image

فعاليتونه مو د کار او ټولنيزو چارو وزارت سره په همغږۍ او د ا.ا.ا د پاليسۍ مطابق ترسره کړئ

دغه خبرې د کار او ټولنيزو چارو وزارت سرپرست وزير ملا عبدالولي څارنوال (حاجي وارث) د ديارلسو مؤسسو او خيريه بنسټونو استازو سره د تفاهم ليکونو د لاسليک کولو پر مهال وکړې.

د کار او. . .

سه‌شنبه ۱۴۰۱/۱۰/۲۰ - ۹:۵۴
Background image

فعاليتونه مو د کار او ټولنيزو چارو وزارت سره په همغږۍ او د ا.ا.ا د پاليسۍ مطابق ترسره کړئ

دغه خبرې د کار او ټولنيزو چارو وزارت سرپرست وزير ملا عبدالولي څارنوال( حاجي وارث) د ديارلسو مؤسسو او خيريه بنسټونو استازو سره د تفاهم ليکونو د لاسليک کولو پر مهال وکړې.

د کار او. . .

بیرته خبرونو ته