د ننګرهار ولایت په ولسوالیو کې ۲۱۰ تنو ته د فني او حرفوي زده‌کړو زمینه برابره شوه

naweed_admin
سه‌شنبه ۱۴۰۳/۴/۱۹ - ۱۰:۵۶
E


د ننګرهار ولایت؛ په کوټ، بټي‌کوټ، اچین او نازیانو ولسوالیو کې؛ ۲۱۰ تنو ځوانانو ته د فني او حرفوي زده‌کړو جلا جلا مرکزونه پرانېستل شول.
په همدې مناسبت جوړه شوې غونډه کې چې د ولایتي ادارې ځینو مسؤلینو، علمای کرامو او قومي مشرانو حضور درلود؛ د ننګرهار ولایت د کار او ټولنیزو چارو رئیس مولوي فریدالله حقاني خپلو خبرو کې وویل: د کار او ټولنیزو چارو وزارت د رهبرۍ د هدایت په اساس د کوټ، بټي‌کوټ، اچین او نازیانو ولسوالیو کې  ۲۱۰ تنو ته د خیاطۍ او موبایل ترمیم حرفو کې د فني او حرفوي زده‌کړو مراکز پرانیستل شول، چې یادو ځوانانو کې ۶۰ تنه د کوټ، ۳۰ تنه د بټي‌کوټ، ۶۰ تنه د اچین او ۶۰ تنه د نازیانو ولسوالیو اوسېدونکي دي او له شپږ میاشتنیو عملي او نظري روزنیزې دورې وروسته به د کار بازار ته د ماهرو کارګرو په توګه وړاندې شي. مولوي فریدالله حقاني له زده‌کوونکو څخه وغوښتل، چې له دې فرصت څخه اعظمي استفاده وکړي، ترڅو په راتلونکي کې د مناسب کسب او کار خاوندان شي. 
په پای کې د ستاسو غږ همکارې مؤسسې رئیس صابرالله ممله‌وال هم خپلو لنډو خبرو کې د مؤسسې د فعالیتونو او راتلونکو برنامو په اړه معلومات شریک او ډاډ یې ورکړ، چې خپلې چارې به د کار او ټولنیزو چارو وزارت سره په نږدې همغږۍ ترسره کوي.
د یادونې وړ ده، چې د کوټ، بټي‌کوټ او اچین ولسوالیو د فني او حرفوي زده‌‌کړو مراکز مخکې او د نازیانو ولسوالۍ د فني او حرفوي زده‌کړوړ مرکز نوی پرانیستل شو.

تازه خبرونه

یکشنبه ۱۴۰۳/۴/۳۱ - ۲۱:۴۲
Background image

د ټولنیزو چارو معین د یونیسف دفتر له مرستیالې سره وکتل


د کار او ټولنیزو چارو وزارت د ټولنیزو چارو معین شیخ عبدالبر د خپل کار په دفتر کې د افغانستان لپاره د یونیسف دفتر له مرستیالې مېرمن روشن مرتضی او مل پلاوي سره په کتنه کې د ځینو اړینو. . .

یکشنبه ۱۴۰۳/۴/۲۴ - ۹:۵۰
Background image

د کار او ټولنیزو چارو وزارت په تېرو درېیو میاشتو کې تر ۲۲۰۰۰ زیات د کار جوازونه وېشلي دي


د ۱۴۰۳ هجري شمسي کال په لومړۍ ربع کې د کار او ټولنیزو چارو وزارت توانیدلی، چې هېوادوالو ته د ۲۲۴۲۷ قطعې د کار جوازونه ووېشي او له دې لارې عواید راټول کړي.
دا ارقام ښيي؛ چې په دې ۱۴۵۷۰. . .

سه‌شنبه ۱۴۰۳/۴/۱۹ - ۱۰:۵۶
Background image

د ننګرهار ولایت په ولسوالیو کې ۲۱۰ تنو ته د فني او حرفوي زده‌کړو زمینه برابره شوه


د ننګرهار ولایت؛ په کوټ، بټي‌کوټ، اچین او نازیانو ولسوالیو کې؛ ۲۱۰ تنو ځوانانو ته د فني او حرفوي زده‌کړو جلا جلا مرکزونه پرانېستل شول.
په همدې مناسبت جوړه شوې غونډه کې چې د ولایتي. . .

بیرته خبرونو ته