پکتیکا کې ۱۰۰ تنو اړمنو ماشومانو ته کورني کېټونه ووېشل شول
د پکتیکا ولایت د کار او ټولنیزو چارو ریاست په هڅو؛د وزیر محمد اکبرخان او سلیمان فارسي روزنتونونو ۱۰۰ تنو اړمنو ماشومانو ته کورني کېټونه، چې پکې حفظالصحې او د ورځني ژوند اړین توکي شامل وه؛ ترلاسه کړل.
په همدې مناسبت جوړه شوې غونډې ته د پکتیکا ولایت د کار او ټولنیزو چارو رئیس مولوي وزیر احمد رحماني په خپلو خبرو کې د همکارې مؤسسې څخه د مننې سربېره، له نورو سازمانونو او خیریه بنسټونو څخه هم د ورته مرستو او همکاریو غوښتنه وکړه، ترڅو د یتیمو او بې سرپرسته ماشومانو لاس نیوي وکړو او ورته د ژوندانه سهولتونه برابرکړو.
