کونړ کې د بېلابېلو موسساتو له استازیو سره د همغږۍناسته وشوه
د کونړ ولایت د کار او ټولنیزو چارو ریاست په هڅو؛ د یاد ولایت په څوکۍ ولسوالۍ دیوه ګلدره کې؛ زلزله ځپلو کورنیو ته او له زیان سره مخ اقشارو ته، د مرستو د رسولو په موخه د بېلابېلو مرستندویو موسساتو له استازیو سره د همغږۍ ناسته ترسره شوه.
یاده ناسته کې د کونړ ولایت د کار او ټولنيزو چارو رئیس مولوي مجیبالله عمر، د څوکۍ ولسوال مولوي ابراهيم ثاقب، د مرستو د وېش کمېټې مسئول او پېښو سره د مبارزي رئیس مولوي محمد مبین مفتون شتون درلود.
په پیل کې د یاد ولایت د کار او ټولنیزو چارو رئیس مولوي محب الله عمر په خپلو خبرو کې له مرستندویو بنسټونو له مرستو او هلو ځلو څخه د مننې ترڅنګ له ټولو ملي او نړیوالو خیریه بنسټونو او موسساتو څخه د وروستیو زلزلو له امله زیانمن شویو کورنیو ته د سرپناه، کرنې، روغتیا، پوهنې، د څښاک اوبو، سرکونو، کاري فرصتونو او نورو پرختیايې پروژو د تطبیق په برخو کې د همکاریو غوښتنه وکړه.
په پای کې په افغانستان کې د بشري چارو ناظم اندریکيراټولټ، د اوچا ادارې مرستیاله کېټ کیري، د UNHCR دفتر مشر عرفات جمال، د ملګرو ملتونو د وګړو صندوق مشر کوربیناانست او په افغانستان کې د نمیک حیدروف د دفتر مشر په خپلو خبرو کې زلزله ځپلو کورنیو ته په بېلابېلو برخو کې د مرستو او همکاريو ژمنه وکړه.
