کونړ کې ۳۰۰ تنه زیانمنو ماشومانو او لویانو ته نقدي مرسته ووېشل شوه
د کونړ ولایت د کار او ټولنیزو چارو ریاست په هڅو؛ ۳۰۰ تنه زیانمنو ماشومانو او لویانو؛ چې د یاد ولایت څوکۍ ولسوالۍ ګربزو، امریو، اندرلچک او د خاص کونړ ولسوالۍ په آهنګرانو، حکیمآباد، هجرتآباد او کلالانو سیمو کې د زلزلې له امله زیامن شوي وو، د رواني ملاتړ په موخه نقدي مرسته ترلاسه کړه.
په همدې مناسبت جوړې شوې غونډې ته د کونړ ولایت د کار او ټولنیزو چارو رییس مولوي مجیبالله عمر په خپلو خبرو کې د هارو همکارې موسسې له فعالیتونو او همکاریو څخه د مننې سربېره په خپلو خبرو کې وویل: په یاده مرسته کې ۲۱۰ تنو ماشومانو ته، في نفر ته ۱۲۰۰ او ۹۰ تنه لویانو ته، في نفر ته ۲۰۰۰ افغانۍ، چې مجموعي ارزښت یې ۴۳۲۰۰۰ افغانۍ کېږي ووېشل شوه.
مولوي عمر همداراز له نورو همکارو موسسو او خیریه بنسټونو څخه د ورته مرستو او همکاریو غوښتنه وکړه، ترڅو له زیان سره مخ ماشومانو ستونزو ته مؤثره رسېدنه وشي
