کونړ کې ۵۶۳ تنه په زدهکړو بوختو ځوانانو ته وسایل او خام مواد ووېشل شول
د کونړ ولایت دکار او ټولنیزو چارو ریاست په هڅو؛ یاد ولایت د مرکز اسعدآباد په شمول په خاص کونړ او مرورې ولسوالیو کې ۵۶۳ تنه، چې د چرګانو روزنې او خیاطۍ په حرفوکې په زدهکړو بوخت دي، د اړوندو حرفو وسایل او خام مواد ترلاسه کړل.
په همدې مناسبت جوړې شوې غونډې ته د کونړ ولایت د کار او ټولنیزو چارو ریاست استازي، د سکیوانو همکارې موسسې څخه د مننې سربېره وویل: دا زمونږ مسئولیت دی؛ چې د همکارو موسساتو سره په ګډه همغږۍ، ولسونو ته د خدمات په وړاندې کولو کې پراختیا راولو، ترڅو په ټولنه کې د بېکارۍ کچه را ټیټه او هېوادوالو ته په بېلابېلو برخو کې د کاری فرصتونو زمینه برابره شي.
