زابل کې ۱۰۰ تنه یتیمو او بېسرپرسته ماشومانو ته ژمني توکي ووېشل شول
د زابل ولایت د کار او ټولنیزو چارو ریاست له لوري؛ ۱۰۰ تنه یتیمو او بې سرپرسته ماشومانو ته ژمني توکي جورابې؛ جمپر، او بوټ ووېشل شول.
په همدې مناسبت جوړې شوې غونډې ته د زابل ولایت د کار او ټولنیزو چارو ریاست استازي په خپلو خبرو کې وویل: د کار او ټولنیزو چارو وزارت دنده او مسئولیت دی، ترڅو د سړې هوا په راتګ سره د یتیمو او بېسرپرسته ماشومانو ستونزو ته رسېدنه او هغوی ته د ژوندانه سهولتونه برابر کړي.
د یادونې وړده؛ چې یاده مرسته د زابل ولایت د کار او ټولنیزو چارو ریاست له بودیجې څخه په یتیمو او بېسرپرسته ماشومانو ووېشل شوه.
