د کار او ټولنیزو چارو وزارت د روان کال په درېیمه ربعه کې ۲۷۳ امارتي او غیرامارتي ادارې پلټلي دي
د کار او ټولنیزو چارو وزارت اړوند د کار تفتیش او لارښوونې ریاست له لوري د روان کال په درېیمه ربع کې ۲۷۳ امارتي او غیر امارتي ادارې پلټل شوي دي.
په یادو ادارو کې ۱۰ امارتي او مستقلې ادارې، ۱۴۰ تولیدي شرکتونه او تخنیکي تصدۍ او ۱۴ داخلي او خارجي مؤسسات او انجوګانې د کار متفتشینو له لوري او ۱۰۹ ادارې د ګرځنده مراقبت له لوري پلټل شوي دي، چې په پایله کې ۸۲۲۴ تنه کورني وګړي او ۲۷۶ تنه خارجي وګړي؛ په ګوته شوې چې د کار جوازونو پرته پر کار او فعالیت بوخت وو؛ او د کار جواز د ترلاسه کولو لپاره د کار او ټولنیزو چارو وزارت اړوند د بشري ځواک لوی ریاست ته په رسمي ډول معرفي شوي.
همداراز د کار او ټولنیزو چارو وزارت له لوري د امارتي او غیر امارتي ادارو ۲۱۰ تنه هغو کارکوونکو ستونزو او ننګونو ته، چې په کاري چاپېریال کې ورسره مخامخ وو؛ د حل په موخه رسېدنه شوې ده.
هېره دی نه وي؛ چې په ادارو کې د تفتیش چارې د قوانینو، اصولو او مقرراتو مطابق ترسره کېږي، چې په کاري چاپیریال کې د فساد، بېنظمۍ او غفلت د مخنیوي سربېره؛ د کارګرانو د حقوقو، امتیازاتو، ایمنی، مزد او معاش، د قرارداد شرایطو او اضافهکار پوښتنه او پلټنه هم کېږي؛ ترڅو کارګرانو او کارکوونکو ته خوندي کاري چاپيریال برابر شي.
