1. الرئيسية
  2. خبر
  3. د کار او ټولنیزو چارو سرپرست وزیر د افغانستان لپاره د یونسیف ادارې له مرستیالې سره ولیدل

د کار او ټولنیزو چارو سرپرست وزیر د افغانستان لپاره د یونسیف ادارې له مرستیالې سره ولیدل

molsaadmin
خميس, فبراير 17 2022 10:06 مساء
کابل: ۱۴۰۰/۱۱/۲۸ په هیواد کې د ټولنیز خوندیتوب، ماشوم پالنې او ساتنې او همداراز د پالنځیو ستونزو ته د غوره رسیدنې په موخه او په ټوله کې د یادو ستونزو د حل لپاره د نوی مشرتابه لرلید او لمړیتوبونو پیژندلو لپاره نن د کار او ټولنیزو چارو مالي او اداري مرستیال او د یاد وزارت سرپرست څارنوال عبدالولي مجاهد په خپل کاري دفتر کې د یونسیف سازمان له مرستیالې آغلې الیس الونګار سره ولیدل. په دې کتنه کې ښاغلي مجاهد وویل: هیواد اوس له جګړې راوتلی او په لویه کې له لوی بشري ناورین سره مخ دي چې په یاد ناورین کې ماشومان تر ټولو ډیر زیانمن قشر دی چې جدي پاملرنې ته اړتیا لري. هغه زیاته کړه: تیره تحمیل شوې جګړه او شل کلن اشغال د یاد ناورین اصلي لامل دی چې د هیواد کرهڼې، صنعت او سوداګرۍ ته او په ټوله کې د هیواد بیخ بنا وو یې سختې زیانمنې کړي چې په پایله کې یې زیاتو افغان کورنیو خپل سرپرست او نفقې مکفلین له لاسه ورکړل او یادې کورنۍ یې اړ ایستې ترڅو خپل ماشومان شاقه کارونو، ګدایی او مهاجرتونو ته اړباسي. ښاغلي مجاهد زیاته کړه: اوس مهال زموږ په هیواد کې ماشومان له روغتیایي، ښوونې او روزنې، سرپناه او پاکو اوبو ته د نه لاسرسي له ستونزو سره لاس او ګریوان دي، او د دې بشري ناورین د مدیریت او هغه ته د پای ټکي کیښودلو لپاره د همکارو مؤسسو په ځانګړې ډول د یونسیف مرستو ته اړتیا لرو. د کار او ټولنیزو چارو سرپرست وزیر د یونسیف مشرتابه ته ډاډ ورکړ چې د یاد وزارت د د یونسیف سازمان له ټولو فعالیتونو ملاتړ کوي او تیار دی چې د هیواد په هر ګوټ کې د یاد سازمان د فعالیت پر وړاندې د هر ډول ستونزې په حل کې ورسره مرسته وکړي. ښاغلي مجاهد د یونسیف له سازمان څخه غوښتنه وکړه ترڅو په پالنځیو کې حاکم اضطراري حالت د مدیریت لپاره له کار او ټولنیزو چارو وزارت سره هر اړخیزه مرسته وکړي. د یونسیف سازمان مرستیالې آغلې الیس الونګار چې د ټولنیز خوندیتوب او ماشوم ساتنې دوو ټیمونو ورسره ملتیا کوله په خپلو خبرو کې وویل: اوس مهال افغان ماشومان له لوږې، بې وزلۍ، وچکالۍ، مهاجرتونو او له جګړې پاتې ناچاودیدونکو توکو له خطر سره مخامخ دي چې جدي پاملرنې ته اړتیا لري. آغلې الونګار زیاته کړه: یونسیف سازمان په ټوله کې د ماشومانو او میندو ستونزو د رسیدنې مسوولیت پرغاړه لري. او په ټول هیواد کې یې په پالنځیو کې میشت ماشومانو سره د البسې، خوراک او ژمنیو توکو مرستې کړي دي، سروې یې ترسره کړې او په یاده برخه کې د ظرفیت لوړونې ډير کورسونه په لاره اچولې دي. هغې وویل: یونسیف سازمان چمتو دی چې په افغانستان کې د ماشومانو هر ډول ستونزې د حل په موخه مرسته وکړې او همداراز یاد سازمان په پام کې لري چې د ماشومانو وضعیت ته د غوره رسیدنې لپاره په ټول هیواد کې ۶۰۰۰ تنه ټولنیز کارکوونکي په دندو وګماري.

تازه ترین اخبار

ثلاثاء, أغسطس 11 2026 1:51 مساء
Background image

التقى وزير العمل والشؤون الاجتماعية بممثلي شركات التوظيف الخاصة

عقد وزير العمل والشؤون الاجتماعية، الحاج الملا عبدالمنان عمري، اجتماعا دوريا مع ممثلي شركات التوظيف الخاصة، وذلك في مكتبه.
في بداية الاجتماع، قدم ممثلو شركات التوظيف الخاصة معلومات حول. . .

سبت, يوليو 11 2026 11:08 صباحا
Background image

إتاحة فرص التدريب المهني والحرفي لـ90 نزيلاً في سجن بل شرخي

بالتنسيق بين وزارة العمل والشؤون الاجتماعية والإدارة العامة لتنظيم شؤون السجون، أطلقت وللمرة الأولى برامج للتدريب المهني والحرفي داخل سجن بل شرخي، حيث أتحيت الفرصة لـ90 نزيلاً للاستفادة. . .

أربعاء, مايو 06 2026 9:24 صباحا
Background image

حقوق العمال مصونة فقط في الشريعة الإسلامية

قال وزير العمل والشؤون الاجتماعية، الحاج ملا عبد المنان عمري، في كلمته خلال الحفل الذي أقيم بمناسبة اليوم العالمي للعمال: إن الشريعة الإسلامية وحدها مقارنة بجميع الأنظمة القانونية في. . .

باز گشت به اخبار