د پلچرخي صنعتي پارکونو کې د بوختو کاریګرو د ستونزو د حل په موخه د کار او ټولنیزو چارو وزارت او د یادو پارکونو د انجمن د مسؤلینو ترمنځ، د همغږۍ ناسته ترسره شوه
ناسته کې د وزارت د کار د تفتیش او رهنمايي د رئیس مولوي عبدالمتین مولوي زاده، د دې ریاست د دندو، د استخدام شرایطو، کورنیو او بهرنیو وګړو ته د کار جوازونو د وېش، د کارکوونکو د کاري شرایطو او ایمني مواردو او د دوی د حقوقو او امتیازونو په اړه د معلوماتو شریکولو ترڅنګ؛ د پلچرخي صنعتي پارکونو د ځینو کارکوونکو شکایتونه هم شریک کړل او په یادو برخو کې یې د کار قانون او د کار اړوند مقررو د تطبیق غوښتنه یې وکړه.
ورپسې د پلچرخي صنعتي پارکونو د انجمن رئیس عبدالجبار صافي په یادو برخو کې د کار او ټولنیزو چارو وزارت د پاملرنې څخه قدرداني څرګنده او د صنعتي پارکونو د کارکونکو د وضعیت او د هغوی له ځینو ستونزو هم یادونه وکړه او په دې برخو کې یې ځیني وړاندیزونه شریک کړل.
په پای کې دواړو لوریو ژمنه وکړه چې د شته ستونزو د حل په اړه به په ګډه له نږدې کارکوي، ترڅو کاریګرو ته مناسب کاري ماحول برابر او د دوی حقوق او امتیازات حفظ شي.
