ننګرهار کې ۱۵۱ اړمنو کورنيو ته د ۱.۵ میلیونه افغانیو په ارزښت نغدي مرستې ووېشل شوې
د ننګرهار ولایت دکار او ټولنيزو چارو رياست په هڅو؛ ۱۵۱ اړمنو او بېوزله کورنيو ته د ۱۵۴۰۲۰۰ افغانيو په ارزښت نقدي مرستې وویشل شوې؛ چې له هغې جملې څخه ۹۶ کورنۍ د نازیانو او ۵۵ نورې یې د دوربابا په ولسوالیو کې د يوې ځانګړې او دقیقی سروې په ترڅ کې په ګوته شوې وې او هرې کورنۍ ۱۰۲۰۰ افغانۍ ترلاسه کړې.
په همدې مناسبت جوړه شوې غونډې ته د ننګرهار ولایت د کار او ټولنيزو چارو رئیس مولوي فریدالله حقاني په خپلو خبرو کې د TDH همکارې مؤسسې څخه د مننې سربېره له نورو خیریه بنسټونو او همکارو مؤسساتو څخه هم دې ته ورته مرستو او همکاريو غوښتنه وکړه.
