د بشري ځواک په لوی ریاست کې په عصري او برېښنایي بڼه د آرشیف پرانېستل
د کار او ټولنیزو چارو وزارت د بشري ځواک په لوی ریاست کې هېوادوالو ته د آسانتیاوو د رامنځته کولو په موخه پخوانی آرشیف، په برېښنایي او ډیجیټل بڼه تنظیم او پرانېستل شو.
د پرانېست غونډې په پیل کې د بشري ځواک لوی رئیس مولوي عزتالله عارف په خپلو خبرو کې وویل: د هېواد په کچه تحصیلي اسناد، اساسي معلومات، دوسیې او د دولتي کارکوونکو سوانح او اسناد به په اساسي او معیاري ډول وساتل شي او په دې سره به د رونټیا، د اسنادو خوندي کېدلو، څیړونکو ته په چټکه توګه د لاسرسي او د مراجعینو او کارکوونکو د وخت د ضایع کېدو څخه د مخنیوي په برخو کې لازم سهولتونه برابر شي.
د ویلو ده چې د کار او ټولنیزو چارو وزارت د بشري ځواک لوی ریاست آرشیف په ۱۳۵۳ هـ ش کال کې تأسیس شو، چې په کې د هېوادوالو د تېرو پنځو لسیزو نږدې لس میلیونه پاڼې تحصیلي اسناد او سوابق ساتل کیږي
