لغمان کې د هایسو موسسې له فعالیتونو څارنه وشوه
د هغې هوکړهلیک پر بنسټ چې د کار او ټولنیزو چارو وزارت سره یې لري، په لغمان ولایت کې د ماشوم ساتنې ریاست لهلوري، د هایسو موسسې فعالیتونه او کړنې وڅارل شوې.
د کار او ټولنیزو چارو رئیس مولوي سعدالدین مطمئن په خپلو خبرو کې د یادې موسسې له فعالیتونو او لاستهراړونو څخه د ستاینې سربیره وویل: اړېنه ده؛ چې په ټول هېواد کې له زیان سره مخ ماشومانو لاسنیوی وشي؛ او د افغانستان اسلامي امارت له اصولو سره سم خپل فعالیتونو ته پراختیا ورکړي.
یاده موسسه د زیانمنو ماشومانو د ملاتړ په موخه، په بېلابېلو برخو کې عملي او مهارتي روزنیز پروګرامونه پلي کوي. هغوی ته د کوچنیو کاروبارونو زمینه برابروي، د ماشوم ساتنې خوندي حمایوي مرکزونه جوړوي؛ موخه دا ده چې دغه ماشومان د کار بازار ته چمتو شي، له اقتصادي پلوه خپلواکي ترلاسه کړي او د بېکارۍ کچه راټیټه شي.
د یادونې وړ ده، چې د ماشوم ساتنې ریاست له لوري به په ننګرهار او کونړ ولایتونو کې به هم د یادې موسسې له فعالیتونو څارنه ترسره شي.
