ننګرهار کې ۳۷ بیوزلو کورنیو ته د کوچنیو کاروبارونو د ایجاد زمینه برابره شوه
ننګرهار ولایت د کار او ټولنیزو چارو ریاست په هڅو او همغږۍ؛ د یاد ولایت د کوټ ولسوالۍ له ۳۷ بېوزلو کورنیو سره، د کوچنیو کاروبارونو د ایجاد او ملاتړ په موخه، هرې کورنۍ ته ۳۳۲۰۰، مجموعاً ۱۲۲۸۴۰۰ افغانۍ ووېشل شوې.
هغې غونډې ته، چې په همدې مناسبت جوړه شوې وه؛ د ننګرهار ولایت د کار او ټولنیزو چارو ریاست استازي د واک همکارې مؤسسې له مالي مرستې څخه د مننې سربیره له نورو ملي او نړیوالو موسساتو او مرستندویه خیریه بنسټونو څخه هم د ورته مرستو او همکاریو غوښتنه وکړه، ترڅو د کوچنیو کاروبارونو د پیاوړتیا، د خلکو د اقتصادي وضعیت د ښه والي او په هېواد کې د بېکارۍ د کچې د راټیټېدو لپاره دا ډول مرستې وکړي.
