په پنځو راتلونکو کلونو کې د نږدې یو نیم میلیون هېوادوالو لپاره د کاري زمینو د برابرولو په اړه د ادارو ژمنې؛
د کار او ټولنیزو چارو وزارت د پالیسۍ او پلان ریاست، چې د کار ملي کانفرانس د همغږۍ او اړیکو کمېټې مسؤلیت هم لري، وايي چې ګڼو امارتي ادارو له دې وزارت سره د هوکړهلیکونو په لاسلیک سره ژمنې کړي، چې راتلونکو پنځو کلونو کې به نږدې یو نیم میلیون تنو هېوادوالو ته کاري زمینې برابروي.
د پالیسۍ او پلان زیاست زیاتوي، چې د کاري زمینو د برابرولو، د بیکارۍ کچې کمښت، د کادرونو له تېښتې څخه مخنیوی او د هېواد د اقتصادي ودې په موخه: په راتلونکو پنځو کلونو کې ۱۴۴۳۵۸۴ (یو میلیون، څلور سوه درې څلوېښت زره او پنځه سوه څلور اتیا) تنو ته کاري فرصتونه برابرېږي.
د ویلو ده چې څه موده وړاندې د کار او ټولنیزو چارو وزارت له لوري او د امارتي ادارو په ګډون د ارګ په سلام خانې ماڼۍ کې د کار ملي کانفرانس ترسره شوه، چې په هغه کې د کارموندنې او بیکارۍ کچو د کمښت په برخو کې د اړونده ادارو نقش او مسؤلیت ته په کتو له هغو سره هوکړه لیکونه لاسلیک شول.او دا ادارې به د خپلو اجرااتو د پرمختګ په اړه د کار او ټولنیزو چارو وزارت سره له نږدې همغږي لري او په کانفرانس کې د ترسره شویو ژمنو د تعقیب په منظور به وخت نا وخت ناستې ترسره کېږي
