بغلان او ننګرهار کې ۴۲۲ مهاجرو، اړمنو او زیانمنو کورنیو ته د غیر خوراکي توکو مرستې ووېشل شوې
د بغلان او ننګرهار ولایتونو د کار او ټولنیزو چارو ریاستونو په هڅو؛ د یادو ولایتونو ۴۲۲ مهاجرو، اړمنو او زیانمنو کورنیو، چې ۲۴۲ کورنۍ د بغلان ولایت له برکې، مرکزي بغلان او ډنډې غوري ولسوالیو او ۱۸۰ نورې کورنۍ د ننګرهار ولایت له سرهرود او بټيکوټ ولسوالیو څخه وې؛ غیر خوراکي توکي ترلاسه کړل.
مهاجرو، اړمنو او زیانمنو کورنیو ته؛ په یادو مرستو کې څه باندې د دوه اعشاریه شپږ میلونه افغانیو په ارزښت د سرپناه، پخلنځي، خوب خونې او حفظهالصحې وسایل ووېشل شول.
د بغلان او ننګرهار ولایتونو د کار او ټولنیزو چارو ریاستونو استازيو په خپلو خبرو کې د همکارې مؤسسی ( وارچایلډ کاناډا) څخه د مننې سربېره له همکارو کورنیو، نړیوالو موسساتو او خیریه بنسټونو څخه هم د ورته مرستو او همکاریو غوښتنه وکړه، ترڅو په هېواد کې زیانمنو او اړمنو کورنیو ستونزو ته د رسېدنې سربېره د هغوی لاسنیوی او ملاتړ وشي.
