ارزګان کې ۳۳۶ تنو ته کاري وسایل ووېشل شول
ارزګان ولایت د کار او ټولنیزو چارو ریاست په هڅو او د همکارو موسسو په همغږۍ، د یاد ولایت په چهارچینو او خاص ارزګان ولسوالیو کې ۳۳۶ تنو د موټر سایکلترمیم او خیاطۍ په حرفو کې له زدهکړو څخه وروسته د خپلو اړوندو حرفو کاري وسایل ترلاسه کړل.
د توکو د وېش پرمهال د ارزګان ولایت د کار او ټولنیزو چارو رئیس قاري عزیزالله جهادمل په خپلو خبرو کې د ADA همکارې موسسې څخه د مننې سربېره وویل: یادو کسانو د کاري وسایلو په ترلاسه کولو سره به د خپل کار او کسب خاوندان شي او په دې سره به خپلو کورنیو ته د حلالې نفقې د پیداکولو سبب وګرځي.
په پای کې نوموړي له نورو ملي او نړیوالو همکارو موسسو او خیریه بنسټونو څخه وغوښتل، چې د ورته پروګرامونو له لارې دې د اړمنو او بېوزلو کورنیو ملاتړ ته دوام ورکړي، ترڅو په هېواد کې د بېوزلۍ کچه راټیټه او د خلکو د ځان بسیاینې کچه لوړه شي.
