لغمان کې ۱۳۶ تنه یتیمو او بې‌سرپرسته ماشومانو ته د ۱.۴ میلیونه افغانیو په ارزښت د نغدي پیسو مرسته ووېشل شوه
د لغمان ولایت د کار او ټولنیزو چارو ریاست په هڅو او همغږۍ؛ ۱۳۶ تنه یتیمو او بې‌سرپرسته ماشومانو (هر ماشوم ته ۱۰۲۹۴)؛ مجموعاً د ۱۴۰۰۰۰۰ افغانیو په ارزښت نغدي مرسته وشوه.
د مرستې د وېش پر مهال، د لغمان ولایت د کار او ټولنیزو چارو رئیس الحاج مولوي سید جمال‌الدین هاشمي، د هدف خیریه موسسې له مرستو څخه د مننې سربېره، له نورو ملي او نړیوالو موسسو او خیریه مرستندویه بنسټونو څخه هم وغوښتل چې د یتیمو او بې‌سرپرستو ماشومانو لاسنیوی او ملاتړ وکړي او په دې برخه کې خپل بشري فعالیتونه نور هم پراخ کړي، ترڅو د یادو قشرونو ته تر یوه بریده د ژوند اسانتیاوې برابرې شي.
