د ښځو او ماشومانو پر وړاندې د زور زیاتي او ځورونې عالي کمیسیون ناسته جوړه شوه.
د ښځو او ماشومانو پر وړاندې د زور زیاتي او ځورونې د مخنیوي عالي کمیسیون کاري ناسته د ټولنیزو چارو مرستیال غلام حیدر جیلاني په مشرۍ جوړه شوه.
ناسته کې د ښځو او ماشومانو د ازار او اذیت څخه د مخنیوي عالي کمیسیون غړو، په ادارو کې د دې کمیسیون د کاري کمېټو د طرزالعمل مسودې او تخنیکي کمیټو په تعینولو هر اړخیزې خبرې او وړاندیزونه و کړل.
پيل کې د کار او ټولنیزو چارو وزارت د ملکی خدمتونو د ښځو څخه د ملاتړ څانګې آمرې زهرې حلیمي د تیرو غونډو او کړنو اړوند خبرې و کړې و یې ویل: تر دې مهاله د ښځو پر وړاندې د زور زیاتي او ځورونې عالي کمیسیون اوه کاري جلسې نیولی، چې په دې جلسو کې د کمیسیون طرزالعمل او تطبیقي پلان جوړ شوي او همدارنګه په کاري محیط کې د زور زیاتي او ځورونې اړوند سروې ګانې هم ترسره شوې دي.
د ټولنیزو چارو مرستیال غلام حیدر جیلاني د خپلو خبرو په ترڅ کې د دولتي سکتور تر څنگ په خصوصي سکتور کې د ښځو پر وړاندې د زور زیاتي او ځورونې څخه پر مخنیوي ټینگار و کړ؛ نوموړي همدارنگه د زور زیاتي او ځورونې څخه د مخنیوي برخه کې د کمیسیون د غړو فعال گډون او فعالیت مهمه یاد کړ، و یې ویل: د هغو وزارتونو او ادارو استازي چې د دې کمیسیون غړیتوب لري، باید په منظم ډول په ناستو کې گډون و کړي، څو د کمیسیون له فعالیتونو او راتلونکو کړنو څخه خبر او په کارونو کې د سگتگۍ څخه مخنیوی و شي.
په ناسته کې د ښځو او ماشومانو پر وړاندې د زور زیاتي او ځورونې څخه د عالي کمیسیون غړو هم خبرې او نظرونه شریک کړل او د کمیسیون د لا زیاتو عملي کړنو او فعالیتونو په گړنديتوب یې ټینگار و کړ.
د ښځو او ماشومانو پر وړاندې د زور زیاتي او ځورونې عالي کمیسیون چې رهبري یې د کار او ټولنیزو چارو وزیر په غاړه دی، دولس وزارتونه او ادارې یې غړیتوب لري.
