د کار چارو معین نویو راستنېدونکو هېوادوالو ته د کارموندنې په موخه په افغانستان کې UNHCR سازمان له سرپرستې سره وکتل

د کار او ټولنیزو چارو وزارت د کار چارو معین الحاج مولوي محمدزاهد احمدزي د خپل کار په دفتر کې نویو راستنېدونکو هېوادوالو ته د کارموندنې په موخه په افغانستان کې UNHCR سازمان له سرپرستې میرمن وانیسا مټربولي سره وکتل.
په پیل کې د کار چارو معین الحاج مولوي محمد زاهد احمدزي په خپلو خبرو کې د یاد سازمان د فعالیتونو ستاینې سربېره وویل:  له ګاونډیو هېوادنو څخه راستنېدونکي هېوادوال له ډیرو اقتصادي ستونزو او ننګونو سره مخامخ دې چې د هغوي د باثباته ژوند د پرمخ بیولو لپاره دوامداره د عوایدو سرچینو، سرپنا د اوسېدو ځای او په هېواد کې ورته د کاري فرصتونو زمینه برابره شي او په ورته وخت کې باید هغو ته د فني او حرفوي زده‌کړې ورکړل شي ترڅو خپل مشکلات حل او په آرامه فضا کې ژوند تېرکړي.
ورپسې په افغانستان کې UNHCR سازمان سرپرستې میرمن وانیسامټربولی هم په خپلو خبرو کې په هېواد کې د خپلو فعالیتونو، لاسته‌راوړنو، راتلونکو پلانونو او په اوس وخت کې د خپلو ستونزو او ننګونو په اړه هر اړخیز معلوماتو شریکولو سربېره وویل: د کار او ټولنیزو چارو وزارت سره خپله همکاري پیاوړې ساتي او هڅه به کوي، چې په مختلفو برخو کې په ځانګړې توګه د کډوالو ستونزو، ننګونو او د هغوی ستونزو ته پر وخت سره رسېدنه، هغوی ته د سرپنا او د کار زمینې برابرولو او د بېکارۍ کچې په راټیټولو کې مرسته وکړي.