د کار او کارګر ورځ دې نیکمرغه وي!
د کار او ټولنیزو چارو وزارت مشرتابه پلاوی او کارکوونکي د مۍ لمړۍ نیټې په رارسیدو سره چې د کارګرانو له نړیوالې ورځې سره برابره ده، د هیواد ټولو خواری کښو کارګرانو ته تبریکې وايي.
له شک پرته چې د ننۍ نړۍ مدنیت او آبادي؛ د زحمت کښو کارګرانو د ځواکمنو لاسونو د تڼاکو ډالۍ ده او هیڅ هېواد د کارګرانو له مستقيم ملاتړ پرته پرمختګ او تمدن ته نشي رسیدلی.
د کار او ټولنیزو چارو وزارت د تعریف شویو پروګرامو په لاره اچولو سره؛ مکلف دی چې کارګران تشویق او د هغوی ملاتړ ور ودانګي او په همدې ډګر کې د قوانینو، مقررو، پالیسیو او نورو اړونده اسنادو په طرح کولو او د هغوی له پلی کولو څخه نظارت ته ځان ژمن ګڼي.
مونږ د افغانستان د کارګرانو ستونزو د حل لپاره دهغوی له خوندیتوب څخه نیولې تر پرمختګ او ملاتړ پوری له یاد خواری کښ قشر څخه په خپلو لږو امکاناتو توانیدلی یو چې د هیواد په کاري بازار کې ښه او غوره رول ولوبوو. د کار او ټولنیزو چارو وزارت په همدې ډګر کې د تل لپاره ځان مکلف ګڼي او ژمنه کوي چې ټول هڅې به دوه چنده ګړندۍ کړې.
بشیر احمد تهینج
د کار او ټولنیزو چارو وزیر
