سپین بولدک کې د کار او ټولنیزو چارو وزارت مؤظف پلاوي تېرو دوو ورځو کې ۵۳۱۵ تنه بېرته راستانه شوي هېوادوال سیستم کې ثبت کړيدي
د افغانستان د اسلامي امارت له لوري بېرته راستنېدونکو کډوالو ته د خدماتو د تنظیم کمیټې تر چتر لاندې او د کار او ټولنیزو چارو سرپرست وزیر الحاج ملا عبدالمنان عمري د هدایت په اساس، د دې وزارت کاري ټیم د کندهار ولایت په سپین بولدک ولسوالۍ کې د شنبې او یکشنبې په ورځو هېواد ته بېرته راستانه شوي ۵۳۱۵ تنه کډوال سیستم کې ثبت او په مختلفو برخو کې یې د هغوی لاسنیوی کړیدی.
یاد ټیم هڅه کوي چې د ماشومانو او زیانمنو اقشارو څخه د ملاتړ سربېره؛ فن او حرفو ته د بیا راستنېدونکو لاسرسی، د هغوی د تعلیم او تحصیل د کچې تثبیت او د ترانسپورت د تنظیم په برخو کې هم مرسته او خدمات ترسره کړي.
