په بگرامیو ولسوالۍ کې ۸۰ تنه له فني او حرفوي زدهکړو فارغ شول کابل: ۱۴۴۵ رجبالمرجب۹مه د کابل ولایت په بګرامیو ولسوالۍ کې ۸۰ تنه ځوانانو نن له شپږ میاشتو مسلکي روزنې وروسته؛ د فراغت تصدیقپاڼې او کاري وسایل ترلاسه کړل. له مسلکي زدهکړو د ۸۰ تنو هیوادوالو
د کابل ولایت په بګرامیو ولسوالۍ کې ۸۰ تنه ځوانانو نن له شپږ میاشتو مسلکي روزنې وروسته؛ د فراغت تصدیقپاڼې او کاري وسایل ترلاسه کړل.
له مسلکي زدهکړو د ۸۰ تنو هیوادوالو ته د فراغت تصدیقپاڼې او کاري وسایل د کار او ټولنیزو چارو وزارت د کار چارو معین مولوي محمدزاهدجان آغا او د فني او حرفوي زدهکړو د مراکزو د تنظیم رئیس مولوي عبدالواحد فایز په لاسونو ووشل شول.
په هغو مراسمو کې چې په همدې موخه جوړ شوي وو؛ د کار چارو معین مولوي محمدزاهدجان آغا په خپلو خبرو کې فارغانو ته له کاري وسایلو د سالمې او غوره استفادې سپارښتنه وکړه.
یاد ۸۰ تنه د کار او ټولنیزو چارو وزارت په مدیریت او نظارت او د قدم تعلیمي خیریه مؤسسې په هلو ځلو په څلورو حرفو؛ خیاطۍ، د موبایل ترمیم، د لمریزې برښنا د وسايلو ترمیم او کمپیوټر په څانګو کې زدهکړې ترسره او له نیکهمرغه نن یې کاري وسایل او تصدیقپاڼې ترلاسه کړې، چې د مسلکي او ماهر کاګر په توګه به د کار بازار ته داخل شي.
