ماشومان، د ښوونې او روزنې ترڅنګ تفريح ته هم اړتيا لري!
څو ورځې وړاندې د کار او ټولنيزو چارو وزارت سرپرست بشير احمد ته ينج د کابل روزنتونونو کاري څانګو ليدلو او ماشونونو احوال اخيستو په موخه د علاوالدين د انجونو روزنتون ته ولاړ او د ماشومانو ستونزې او وړانديزونه يې واوريدل، چې د سرپرست وزير سره په ليدنه کې د ماشومانو يوه غوښتنه هم د تفريح او ستومانۍ رفع کولو په موخه تفريحي ځايونو ته د هغوی بيول وه.
د کار او ټولنيزو چارو سرپرست د ماشومانو دې غوښتنې عملي کولو په موخه مسؤلينو ته لارښوونه وکړه، چې ماشومان د زده کړې ترڅنګ تفريح ته هم اړتيا لري او له مسؤلينو يې و غوښتل؛ څو د يو منظم پلان له مخې د روزنتونونو شاګردان د تفريح په موخه تاريخي او تفريحي ځايونو ته بوځي.
په همدې موخه د علاوالدين روزنتون مسؤلينو، د تفريحي تقسيم اوقات له مخې د ياد روزنتون شاګردان د بابر تاريخي او تفريحي بڼ ته بوتلل؛ څو د ستومانۍ رفع کولو ترڅنګ د ياد بڼ له تاريخ ارزښت څخه هم پوه شي.
د کار او ټولنيزو چارو وزارت رهبرۍ د روزنتونونو له رئيسانو او مسؤلينو او شاګردانو څخه د مننې ترڅنګ له هغوی و غوښتل؛ څو د بې سرپرسته ماشومانو غوښتنې تل واوري او د هغوی دغه ماشومانه اړتيا ته غوږ و نيسي او تفريحي تقسيم اوقات په منظم او دومداره توګه پلی کړي.
د مسؤلينو په وينا چې ورته تفريحي ليدنې به له دې وروسته هم دوام و لري.
