تورخم کې د کار او ټولنىزو چارو وزارت مېشت پلاوى، د بىا راستنېدونکو هېوادوالو د ثبت دوام لړۍ روانه ساتلې

تورخم ته د کار او ټولنىزو چارو وزارت سرپرست ملا عبدالمنان عمري په هداىت استول شوى پلاوى د بېرته راستنېدونکو هېوادوالو د ثبت ترڅنګ  د زىانمنو اقشارو څخه ملاتړ کوي او فن او حرفو ته د هغوى لاسرسۍ تثبىتوي.
پرون د شنبې ورځ ىاد ټىم و توانېد چې د تورخم په صفري نقطه کې ۸۰۹تنه بېرته راستنېدونکي هېوادوال په سىستم کې ثبت کړي چې په پاىله کې ىې جوته شوه چې له دې ډلې ۱۰۵تنه د قرآن عظىم‌الشان حافظان،۳۲۷تنه له دوولسم ټولګي فارغ، ۳۱۶تنه لسانس او پاتې کسان ىې غرىب‌کار اشخاص دي.
د ىادولو ده چې د کار او ټولنىزو چارو وزارت کاري ټىم د افغانستان د اسلامي امارت له لورې د بېرته راستنېدونکو هېوادوالو د خدماتو د تنظىم کمىټې ترچتر لاندې په ۲۴ساعته توګه په دوو شفټونو کې خپلو هڅو او کړنو ته دوام ورکړى چې په تېرو څلورو ورځو کې توانىدلى چې ټولټال ۳۹۴۴تنه سىستم کې ثبت کړي، روغتىايي خدماتو ته د هغوى لاسرسۍ ته زمىنه برابره کړي، د زىانمنو اقشارو څخه ىې پوره پوره ملاتړ کړي  او هم له کورنىو سره  د ورکو شوىو ماشومانو د بىاځلې ادغام په برخو کې هم لازمه هم‌کاري ولري.