د داخلي تفتیش رئیس په مشرۍ پلاوي؛ غزني او زابل ولایتي ریاستونو چارې وارزولي
د کار او ټولنیزو چارو وزارت د داخلي تفتیش رئیس ملا شرف‌الدین شرف په مشرۍ پلاوي، له میدان‌وردګو ولایت وروسته، د غزني او زابل د کار او ټولنیزو چارو ولایتي ریاستونو د چارو ارزونه وکړه.
د داخلي تفتیش رئیس ملا شرف‌الدین شرف او ورسره مل پلاوي په پیل کې، د د غزني او زابل د کار او ټولنیزو چارو ریاستونو له ورځنیو کاري فعالیتونو او خدماتو، فني او حرفوي زده‌کړو د مرکزونو او روزنتونونو څخه لیدنه وکړه او هلته یې د میشتو یتیمو او بې‌سرپرستو ماشومانو جاج واخیست؛ د فني او حرفوي زده‌کړو بهیر یې له نږدې ولید او د غوره خدماتو د وړاندې کولو په موخه یې ولایتي کارکوونکو ته لازمې لارښوونې او سپارښتنې وکړې.
هېره دې نه وي، چې د دې سفر په ترڅ کې د داخلي تفتیش د رئیس ملا شرف‌الدین شرف د زابل ولايت والي الحاج مولوي حزب‌الله افغان سره د کار او ټولنیزو چارو ولایتي ریاست په ستونزو، ننګونو او ولس ته د خداماتو په وړاندې کولو، د یتېمو او بې‌سرپرسته ماشومانو په غوره کفالت او د فني او حرفوي زده‌کړو په بهیر خبرې اترې وکړي.
