د لوی اختر په مناسبت ۶۲۵ تنه زیانمنو، یتیمو او بې سرپرستو ماشومانو ته کالي ووېشل شو
د روزنتون ریاست په هلو ځلو او د کار او ټولنیزو چارو وزارت په خپل لګښت د کابل ښار د ذکورو روزنتون ۴۰۰ ماشومانو او همداراز د لوګر ولایت د کار او ټولنیز چارو ریاست په هڅو؛ د یاد د مولانا یعقوب چرخی روزنتون ۲۲۵ تنو زیانمنو، یتیمو او بېسرپرسته ماشومانو ته، د راتلونکي نیکمرغه لوي اختر په مناسبت پوښاکي توکي ووېشل شول.
د دې مرستو د وېش پرمهال؛ د لوګر ولایت د کار او ټولنیزو چارو ریاست استازي له هدف همکارې مؤسسې څخه د مننې سربېره له نورو خیریه بنسټونو او همکارو مؤسساتو څخه هم دې ته ورته مرستو او همکاریو ِغوښتنه وکړه.
د یادونې وړ ده، چې دا په ټول هېواد د اختریزو ډالیو د وېش دوهیمه دوره ده، او له دې وړاندې په خوست، سرپل او بدخشان په ولایتونو کې هم ۷۰۰ ماشومانو ته پوښاکي توکي د اختریزې ډالۍ په توګه ویشل شوي وو.
