د کار او ټولنیزو چارو وزارت کې ۱۵ رقابتي بستونو لپاره آزموینه واخستل شوه
د کار او ټولنیزو چارو وزارت؛ د کار کوونکو چارو ریاست له لوري نن د اداري او خدماتو ریاست اړوند د ترانسپورټ آمریت؛ ۱۵ خالي بستونو لپاره، په شرایطو برابرو ۲۷۰ تنو څخه رقابتي آزموینه واخستل شوه.
د کار او ټولنیزو چارو وزارت مسئولینو په خپلو خبرو کې ګډونوالو ته وویل: زموږ موخه دا ده، چې دا بهیر د شفافیت، عدالت، او سیالۍ پر بنسټ پرمخ یوسو او هغه کسان استخدام کړو چې ریښتینی استعداد او وړتیا ولري.
مسئولینو ګډونوالو ته ډاډ ورکړ، چې د ازموینې بهیر به په شفافه فضاء کې ترسره او کار به اهل کار ته وسپارل شي.
