د کار او ټولنیزو چارو وزارت د کار چارو معین الحاج مولوي محمد زاهد احمدزي په مشرۍ او د کډوالو او بېرته راستنېدونکو، اقتصاد او صنعت او سوداګرۍ وزراتونو د استازو په حضور؛ د کورنیو بې‌ځایه شویو او بېرته راستنېدونکو هېوادوالو ستونزو او هغوی ته د کاري فرصتونو د ا ېجاد په موخه د همغږئ ناسته جوړه شوه.

په پیل کې د یادو وزارتونو استازو په بهرنیو هېوادونو کې د مېشتو افغان کډوالو، بېرته راستنېدونکو هېوادوالو او کورنیو بې‌ځایه شویو د ستونزو، دوی ته د سرپناه، کاروبار، او اړونده برخو کې د لازمو خدماتو د وړاندې کولو په تړاو معلومات وړاندې او هم یې د مسؤلو ادارو له لوري د ترسره شویو  اجرااتو څخه یادونه وکړه.

ورپسې دکار چارو معین الحاج مولوي محمد زاهد احمدزي خپلو خبرو کې د یادو وزارتونو د فعالیتونو څخه په قدرداني سره وویل: د افغانستان اسلامي امارت د یوه مسؤل نظام په توګه په دې لټه کې دی، چې د هېواد دننه او هم په بهر کې خپلو خلکو ته سهولتونه رامنځته؛ د دوی ستونزې حل او له حقوقو څخه یې ملاتړ وکړي. مولوي محمد زاهد زیاته کړه: دا وزارت ژمن دی، چې د