د کار چارو معین د بشري قواو له عمومي ریاست څخه لیدنه او څارنه ترسره وکړه؛
د کار او ټولنیزو چارو وزارت، د کار چارو معین مولوي محمد زاهد جان آغا، د دې وزارت اړوند د بشري قواو له عمومي ریاست څخه د لیدنې پر مهال؛ مراجعینو ته د سهولتونو په جوړېدو ټینګار وکړ.
دې لیدنه کې د کار چارو معین مولوي محمد زاهد جان آغا، د بشري قواو د عمومي رئیس مولوي حسیناحمد مدني په ملتیا د دې ریاست د مختلفو ریاستونو او برخو څخه څارنه ترسره او هم یې د ځینو مراجعینو او د ریاست کارکوونکو غوښتنې او وړاندیزونه واوریدل.
مولوي محمد زاهد جان آغا خپلو خبرو کې ټینګار وکړ، چې د بشري قواو عمومي ریاست دې هڅه وکړي چې د کار جوازونو د وېش پرمهال او هم دې په نورو اړونده برخو کې مراجعینو او هېوادوالو ته لازم سهولتونه برابر کړي. ترڅنګ یې ډاډ څرګند کړ چې نيمګړتیاوو ته د رسېدنې په موخه به هڅې وکړي.
