ننګرهار کې ۲۹۰ اړمنو کورنیو ته د څه باندې ۲.۶ میلیونه افغانیو په ارزښت د نغدي پیسو مرسته ووېشل شوه
د ننګرهار ولایت د کار او ټولنیزو چارو ریاست په هڅو او همغږۍ؛ ۲۹۰ اړمنو کورنیو ته د دوربابا او نازیانو په ولسوالیو کې؛ ته هرې کورنۍ ته ۹۲۰۰؛ مجموعاً ۲۶۶۸۰۰۰ افغانیو په ارزښت د نغدي پیسو مرسته ووېشل شوه.
د یادې مرستې د وېش پرمهال د ننګرهار ولایت د کار او ټولنیزو چارو ریاست استازي په خپلو خبرو کې د نړیوالې موسسې ټيډيایچ (TDH) څخه د مننې سربېره له نورو ملي او همکارو نړیوالو موسساتو او خیریه مرستندویه بنسټونو څخه هم د ورته مرستو او همکاریو غوښتنه وکړه، چې د ژمي په موسم کې د اړمنو او بېوزلو کورنیو لاسنیوي او ملاتړ وکړي.
د یو بل خبر له مخې:
ننګرهار ولایت د کار او ټولنیزو چارو ریاست په همغږۍ او د پي ایم اس(PMS) همکارې مؤسسې په مالي ملاتړ ۴۶۴ تنه یتیمو او بېسرپرستو ماشومانو ژمني جامې هم ووېشل شوې.
