د کار او ټولنیزو چارو وزارت سرپرست د افغانستان لپاره د ایران سفیر سره و کتل.
د کار او ټولنیزو چارو وزارت سرپرست سید انور سادات د افغانستان لپاره د ایران سفیر محمد رضا بهرامي سره د خپل کار په دفتر کې و کتل.
د کار او ټولنیزو چارو وزارت سرپرست د ایران سفیر ته د ښه راغلاست تر څنګ، ایران د افغانستان یو نیک او د مشترک کلتور لرونکی هیواد یاد کړ او په تیرو کلونو کې یې د ایران هیواد له همکارۍ او مرستو څخه مننه و کړه.
د ایران سفیر محمد رضا بهرامي د خپلو خبرو په ترڅ کې د افغانستان د خپلواکۍ سلمې کلیزې، د دارالمان ماڼۍ بیا رغوونې او اداري کمپلیکس پرانستې په اړه مبارکي وویله او د کارونو د لا ښه والي لپاره یې په دوه اړخیزه همکاریو ټینګار و کړ.
په دې لیدنه کې دواړو لوریو د فني او حرفوي زده کړو، وړکتونونو، ظرفیت لوړولو او ټولنیزې بیمې اړوند هر اړخیزې خبرې و کړې.
په پای کې هوکړه پر دې شوه، چې د دواړو لوریو تخنیکي همکاران به د یادو موضوعاتو په اړه د کار او ټولنیزو چارو وزارت او ایران سفارت رهبرۍ سره په همغږۍ د ذکر شویو پروګرامونو د پلي کولو لپاره هلې ځلې او حل لارې پيدا کوي.
