خوست کې ۳۸ تنه ښوونکو ته روزنیز ورکشاپ جوړ شو
د خوست ولایت د کار او ټولنیزو چارو ریاست په هڅو؛ د سواد، لبنیاتو او خیاطۍ حرفو؛ ۳۸ تنه استادانو ته پنځه ورځینی روزنیز ورکشاپ جوړ شو.
په همدې مناسبت جوړې شوې غونډې ته د خوست ولایت د کار او ټولنیزو چارو رئیس الحاج مولوي آمر صاحب جان حقاني په خپلو خبرو کې د COARهمکارې موسسې څخه د مننې سربېره ګډونوالو ته په خطاب کې وویل: تاسو ته اوس یو لوی امانت او مسؤلیت درسپارل کېږي، چې له ترلاسه شویو زدهکړو، مهارتونو او تجربو څخه په استفادې هېوادوالو ته غوره او ګټور خدمات وړاندې کړئ، ترڅو په چارو کې غوره والي او اسانتیاوې رامنځته شي.
همداراز نوموړي په خپلو خبرو کې له نورو همکارو موسساتو او خیریه بنسټونو څخه هم د ورته ورکشاپونو او سیمینارونو په جوړیدو کې د همکاریو غوښتنه وکړه.
