کابل کې ۳۶۱۸ تنه یتیمو او بېسرپرستو ماشومانو د څه باندې ۱۲ میلیونه افغانیو په ارزښت ته البسه توکي ووېشل شول
کار او ټولنیزو چارو وزارت؛ د ماشوم ساتنې ریاست په هڅو او همغږۍ د کابل ولایت له بېلابېلو ولسوالیو څخه ۳۶۱۸ تنه یتیمو او بېسرپرستو ماشومانو ته ژمنۍ البسه و ویشل شوه؛ په دغو مرستو کې هر ماشوم ته د ۳۳۴۴ افغانیو په ارزښت ژمنۍ البسه (جمپر، د غاړې دستمال، دستکشې، بالاپوش او کمپلې) اخیستل شوې وه، چې مجموعي قیمت یې ۱۲۱۰۰۰۰۰ افغانۍ کیږي.
د یادو توکو د وېش پر مهال د ماشومساتنې ریاست استازي په خپلو خبرو کې د العین ټولنیزو مراقبتونو د همکارې موسسې له مرستو د مننې سربېره وویل: د افغانستان اسلامي امارت په ځانګړې ډول د کار او ټولنیزو چارو وزارت دا خپل مسئولیت ګني، چې د ژمي په موسم کې په مرکز او ولایتونو کې د بیوزلو، اړمنو، شاقهکارو، د سرک سر کاریګرو، یتیمو او بېسرپرسته ماشومانو ستونزو ته رسېدنه وکړي او هغوی ته تر یو بریده د ژوندانه سهولتونه برابر کړي.
