برگزاری نشست توافق‌نامهٔ ۱۲جانبهٔ شبکهٔ عملکرد محافظت اطفال در سمنگان
نشست توافق‌نامهٔ ۱۲جانبهٔ شبکهٔ عملکرد محافظت اطفال به ریاست مولوی فیض محمد ریحان؛ رییس کار و امور اجتماعی ولایت سمنگان و اشتراک نماینده‌گان ادارات ذیربط برگزار شد.
در این نشست که نماینده‌گان ریاست‌های دعوت و ارشاد، استخبارات، نظارت و تطبیق احکام، معارف، صحت عامه، شهرداری ایبک، سره میاشت، مراکز تربیه اطفال، ارشاد، حج و اوقاف و قوماندانی امنیه سمنگان اشتراک داشتند؛ در پیوند به تطبیق برنامه‌ها، پلان‌های کاری و رسیده‌گی به مشکلات اطفال بحث و تبادل نظر صورت گرفته و ازسوی نماینده‌گان ادارات، تعهد همکاری لازم سپرده شد.
