باميان ولايت کې د کار او ټولنيزو چارو وزير دوېمه کاري ورځ
د کار او ټولنيزو چارو وزير بشير احمد ته ينج باميان ولايت ته د کاري سفر په دوېمه ورځ د ياد ولايت مشرانو، مدني ټولنې او رسنيو استازو، کارګرانو، محلي سوداګرو او د فني او حرفوي زده کړو مرکزونو مسؤلينو سره جلا جلا و کتل.
د باميان ولايت يو شمير مشرانو، د مدني ټولنې او رسنيو استازو، محلي سوداګرو او د فني او حرفوي زده کړو مسؤلينو د کار او ټولنيزو چارو وزير سره په جلا جلا ناستو کې خپلې ستونزې شريکې او د حل غوښتنه يې وکړه.
د کار او ټولنيزو چارو وزير بشير احمد ته ينج د هغوی د ستونزو تر اوريدو وروسته وويل چې د کرونا ويروس له امله هيواد کې ګڼ شمير هيوادوال زيانمن شول؛ اما دولت په ځانګړي توګه د کار او ټولنيزو چارو وزارت هڅه کوي، څو دغه نيمګړتيا اوستونزې حل کړي.
ښاغلي ته ينج ډاډ ورکړ، چې باميان ولايت ته به د کار او ټولنيزو چارو وزارت له خوا زياته پاملرنه و شي.
د رسنيو او مدني فعالينو استازو د کار او ټولنيزو چارو وزير سره په ليدنه کې د ياد ولايت د روزنتونونو، فني او حرفوي زده کړو مرکزونو اړوند ستونزې د وزارت رهبرۍ سره شريکې کړې، چې د کار او ټولنيزو چارو وزير د هغوی د خبرو اوريدو وروسته وويل، چې مرکزي حکومت په ځانګړي توګه د کار او ټولنيزو چارو وزارت د بې کارۍ، بيوزله ماشومانو او روزنتونونو ستونزو ته به جدي رسيده ګي وکړي.
د کار او ټولنيزو چارو وزير د ياد ولايت د کار او ټولنيزو چارو رياست سره پر ګډې همکارۍ ټينګار وکړ و يې ويل، چې بهر ته د کارګرانو د ليږد برخه کې به ياد ولايت ته پاملرنه وکړي.
نوموړي وويل، چې تر راتلونکو شپږو مياشتو به د باميان ولايت اړتياوو ته په کتو، ګڼ شمير تغيرات راشي، د لومړيتوبونو په نښه کولو سره به جدي او عملي ګامونه واخيستل شي.
د کار او ټولينزو چارو وزير د خپلو ليدنو په لړ کې د ياد ولايت د فني او حرفوي زده کړو مرکز څخه هم ليدنه وکړه، د هغوی ستونزې يې واوريدې او د ستونزو د حل په موخه يې اړوندو مسؤلينو ته لازمې لارېوونط وکړې.
ښاغلي ته ينج همدارنګه د ثمر آشيانه مرکز څخه هم ليدنه وکړه، د بې سرپرسته او زيانمن شويو ماشومانو د لا زيات ملاتړ ژمنه يې وکړه.
د کار اوټولنيزو چارو وزير خپل کاري سفر کې د شهيدانو کورنيو او واريثيونو سره هم وکتل، شهيدانو ته يې د الله ج له درباره د فردوس جنت او پاتې کسانو ته يې د جميل صبر غوښتنه وکړه.
