تورخم او د پکتیکا ولایت په انګور اډه کې مېشتو د کار او ټولنیزو چارو وزارت تخنیکي ټیمونو دخپلو تېرو فعالیتونو په دوام، تېره ورځ هم د بېرته راستنېدونکو کډوالو لپاره خدمات ترسره کړل
د افغانستان اسلامي امارت له لوري بېرته راستنېدونکو کډوالو ته د خدماتو د تنظیم کميټې سره په همغږۍ او د کار او ټولنیزو چارو سرپرست وزیر الحاج ملا عبدالمنان عمري د هدایت په اساس، د ننګرهار ولایت په تورخم ښارګوټي او د پکتیکا ولایت په انګور اډه کې د دې وزارت مېشتو تخنیکي ټیمونو پرون شنبه ۵۳۱ تنه بېرته راستنېدونکي په سیستم کې ثبت او په اړونده برخو کې یې هغوی ته لازم خدمات ترسره کړل.
تورخم ښارګوټي کې د کار او ټولنیزو چارو وزارت تخنیکي ټیم توانیدلی چې پرون ورځ ۲۷۶ تنه بېرته راستنېدونکي سیستم کې ثبت کړي کړي او هم د پکتیکا ولایت په انګور اډه کې ۲۵۵ تنه سیستم کې د ثبت سربېره؛ مختلفو برخو کې د هغوی لاسنیوی وکړي او ورته خدمات وړاندې کړي.
