فاریاب ولایت کې ۲۵۰ تنو ماشومانو ته روزنتون پرانېستل شو

naweed_admin
شنبه ۱۴۰۳/۷/۲۱ - ۱۰:۴۸
m

د کار او ټولنیزو چارو وزارت معین الحاج مولوي محمد زاهد فاریاب ولایت ته په خپل رسمي سفر کې د یتیمو او بې‌سرپرستو ماشومانو څخه د ملاتړ او د دوی د کفالت په منظور؛ د یوه باب روزنتون پرانېسته وکړه.
په پیل کې د فاریاب ولایت د کار او ټولنیزو چارو رئیس مولوي ریحان‌الدین متوکل د کابل څخه راغلي پلاوي ته د ښه راغلاست ترڅنګ، د دې روزنتون د منظورولو او ورته د ونډې په پام کې نیولو له امله د کار او ټولنیزو چارو وزارت د رهبرۍ له پاملرنې او همکارۍ مننه او قدرداني وکړه او ژمنه یې درلوده، چې د یاد روزنتون اړونده  چارې به یې په ښه ډول ترسره کوي.
ورپسې د کار چارو معین مولوي محمد زاهد خپله وینا کې وویل: که څه هم د یتیمو او بې‌سرپرستو ماشومانو څخه ملاتړ زمونږ دیني او وجداني مسؤلیت دی، خو د وظیفوي لحاظه هم د کار او ټولنیزو چارو وزارت مسؤل دی، ترڅو د یادو ماشومانو کفالت وکړي، چې همدې ته په کتو یې په ټول هېواد کې روزنتونونه فعال کړي، چې په هغو کې سلګونو تنو ماشومانو ساتنه کېږي او دوی ته د ژوندانه ټول سهولتونه برابر شوي دي،چې فاریاب ته زمونږ راتګ هم په همدې منظور ترسره او دا دی نن مو د ۲۵۰ تنو یتیمو او بې‌سرپرستو ماشومانو د کفالت او سرپرستۍ په منظور؛ روزنتون پرانېست، چې په جلا توګه به په کې ۱۵۰ تنه هلکان او ۱۰۰ تنه انجونې ماشومانې ساتل کېږي او ټول لګښت به یې د وزارت له بودجي تمویلېږي.
مولوي محمد زاهد یادو ماشومانو ته په خطاب کې وویل: تاسو د محرومیت او تنهایۍ احساس مه کوئ، ځکه د افغانستان د اسلامي امارت ټول مسؤلین به په ګډه توګه ستاسو د حال او احوال څخه ځانونه خبروي او د هرې ممکنې لارې به ستاسو د هوساینې په موخه هڅې او اجراآت کوي. په همدې توګه یې د روزنتون له استادانو هم وغوښتل، چې د ماشومانو د غوره ښوونې او روزنې په برخو کې دې په ټول توان کار وکړي او په دې برخه کې هېڅ راز غفلت د منلو وړ نه‌دی.
په پای کې د فاریاب مرستیال والي مولوي حمیدالله هم لنډه وینا درلوده او د روزنتون د افتتاح په موخه یې د کار او ټولنیزو چارو وزارت دا اقدام وستایه او د ولایت له آدرسه یې د دې روزنتون سره د همکارۍ ډاډ څرګند کړ. نوموړي وویل: د دې ماشومانو په روزنه او پالنه کې مونږ ټول مسؤل یو او باید په ګډه توګه دې مسؤلیت ته ژمن پاتې شو

آخرین اطلاعیه هاآخرین اطلاعیه ها

شنبه ۱۴۰۴/۵/۲۵ - ۱۵:۴۲
Background image

اطلاعیهٔ وزارت کار و امور اجتماعی!

وزارت کار و امور اجتماعی در نظر دارد تا  در ۲۳ حرفۀ مسلکی و شغل‌های تخصصی جدید؛  ۳۰۰۰ بست‌های کشور شاهی قطر، در سرتاسر کشور برای کارگران ماهر و مسلکی  و نیز افرادی که در طی یک سال اخیر . . .

تازه ترین اخبار

یکشنبه ۱۴۰۵/۸/۲۴ - ۱۵:۲۳
Background image

برگزاری برنامهٔ سه‌روزهٔ ارتقای ظرفیت زون کارمندان زون شمال

ریاست‌ پالیسی و پلان وزارت کار و امور اجتماعی، در هم‌آهنگی با ریاست‌های قوای بشری، تکنالوژی معلوماتی، محافظت اطفال، تفتیش و رهنمایی کار، نظارت و ارزیابی، مطالعات بازار کار و تنظیم. . .

دوشنبه ۱۴۰۵/۸/۴ - ۱۰:۴۵
Background image

برگزاری نشست شورای عالی کار


هشتمین نشست نوبتی شورای عالی کار به رهبری الحاج ملا عبد المنان عمری وزیر کار و امور اجتماعی، با حضور نماینده‌گان اتحادیه‌های کارگران و اتاق‌های افغانستان، به‌منظور پیگیری و تطبیق فیصله. . .

پنجشنبه ۱۴۰۵/۷/۳۰ - ۱۰:۶
Background image

فراغت ۱۲۶ تن از جوانان از آموزش‌های فنی و حرفه‌ای در کابل


به اساس تلاش و هم‌آهنگی ریاست عمومی انکشاف مهارت‌های وزارت کار و امور اجتماعی، ۱۲۶ کارآموز پس از سپری‌کردن دورهٔ شش ماهه‌ی آموزش‌های نظری و عملی در بخش‌های برق‌ ساختمانی، نلدوانی،. . .

باز گشت به اخبار