ارزګان کې لس تنو اړمنو کسانو ته د کار زمینه برابره شوه
د ارزګان ولایت د کار او ټولنیزو چارو ریاست په هڅو، هغو لس تنو اړمنو کسانو، چې د ځانګړې سروې له لارې انتخاب شوي وو، د کوچنیو سوداګرۍ د پیل لپاره خوراکي او غیرې خوراکي توکي ترلاسه کړل؛ ترڅو له بې روزګاري څخه خلاص او خپلو کورنیو ته حلاله نفقه پیداکړي.
هغې غونډې ته، چې په همدې مناسبت جوړه شوې وه؛ د ارزګان ولایت د کار او ټولنیزو چارو رئیس الحاج قاري عزیزالله جهادمل په خپلو خبرو کې له KRO همکارې مؤسسې څخه د مننې سربېره له نورو مرستندویه بنسټونو او مؤسساتو څخه هم د ورته مرستو او همکاریو غوښتنه وکړه.
