په ننګرهار کې ۴۰۰ تنه له زیان سره مخامخ ماشومانو ته د نغدي پیسو مرسته ووېشل شوه
د ننګرهار ولایت د کار او ټولنیزو چارو ریاست په هڅو او همغږۍ؛ ۴۰۰ تنه له زیان سره مخ ماشومانو ته، هر ماشوم ته ۱۴۷۰؛ مجموعاً ۵۸۸۰۰۰ افغانۍ د نغدي پیسو مرسته ووېشل شوه.
د یادې مرستې د وېش پرمهال د ننګرهار ولایت د کار او ټولنیزو چارو ریاست استازي په خپلو خبرو کې اکتید مؤسسې څخه د مننې سربېره له نورو ملي او همکارو نړیوالو موسساتو او خیریه مرستندویه بنسټونو څخه هم د ورته مرستو او همکاریو غوښتنه وکړه، چې د ژمي په موسم کې د زیانمنو، اړمنو، یتیمو او بېسرپرستو ماشومانو لاسنیوی او ملاتړ وکړي.
