د کار او ټولنيزو چارو وزير سره د همکارو مؤسسو استازو ليدنه
د کار او ټولنيزو چارو وزير بشير احمد ته ينج؛ د همکارو مؤسسو استازو سره چې هرات ولايت کې د فني او حرفوي زده کړو برخه کې فعاليت لري، و ليدل او د ستونزو او حل لارو اړوند يې ورسره خبرې کړې.
په دې ليدنه کې چې د کار او ټولنيزو چارو وزارت د فني او حرفوي زده کړو عمومي رييس توريالي مجيدي هم حضور درلود؛ پيل کې د همکارو ملي او نړيوالو مؤسسو استازو د خپلو ستونزو اړوند د وزارت رهبرۍ سره معلومات شريک کړل.
وروسته د فني او حرفوي زده کړو عمومي رييس توريالي مجيدي د خپلو خبرو په ترڅ کې د نويو هوکړه ليکونو لاسليک کې ځنډ، د مخکنيو هوکړه ليکونو څخه دقيق نظارت، د کړنو دقيق معلومول، د پروګرامونو پلي کولو څخه مخکې د جوازونو تر لاسه کول او د ولايتي رياستونو او اقتصاد، ماليې وزارتونو سره کم رنګه همغږي د بنسټيزو ستونزو څخه ياد کړل.
د کار او ټولنيزو چارو وزارت وزير بشير احمد ته ينج د مسولينو د ستونزو او د شته فرصتونو اړوند خبرو اوريدلو څخه وروسته د موسسو استازو سره د همکارۍ ژمنه وکړه، و يې ويل: موږ د مؤسسو سره د نږدې همکاري پياوړې روحيه او د دې موسسو د مرستو لرونکي يو؛ موږ د ستونزو حل ته ژمن يو اما له ټولو همکارو موسسو څخه جدي غوښتنه کوو چې د فني او حرفوي زده کړو اړوند قوانين او مقررات مراعت کړئ؛ څو راتلونکي کې د ورته ستونزو سره مخ نه شو.
