جلالآباد ښار کې ۲۱۵ تنه ځوانان، د انګلیسي ژبې، کمپيوټر او د خیاطۍ له حرفې فارغ شول
د ننګرهار ولایت جلالآباد ښار کې۲۱۵تنه ځوانان، د انګلیسي ژبې، کمپیوټر پروګرامونو او خیاطۍ حرفې له شپږمیاشتني پروګرام څخه فارغ؛ او پر هغوی د فراغت سندونه ووېشل شول.
یادو ځوانانو چې د ننګرهار ولایت د کار او ټولنیزو چارو ریاست په مدیریت او همغږۍ یې ، په یوې همکاره مؤسسه کې د شپږ میاشتو لپاره زدهکړې کړي، تېره ورځ یې د فراغت مراسم ترسره شول، چې له ډلې یې ۱۰۷ تنه د انګلیسي ژبې، ۹۳تنه د کمپیوټر پروګرامونو او پاتې ۱۵تنه یې د خیاطۍ د حرفې په برخه کې زدهکړې ترلاسه کړي. چې د خیاطۍ حرفې فارغانو ته کاري وسایل هم ورکړل شول او پدې توګه به هغوی وتوانیږي چې د ماهرو کارګرو په څېر د کار بازار کې شامل شي
