کنړ ولایت کې ۴۵۰ تنه ځوانانو ته د فني او حرفوي زدهکړو زمینه برابره شوه؛
د کنړ ولایت د کار او ټولنیزو چارو ریاست له لوري، د مرکز اسعد آباد، وټهپور او غازيآباد ولسوالیو ۴۵۰ تنو ځوانانو ته په دریو حرفو کې د فني او حرفوي زدهکړو زمینه برابره شوه.
د کنړ ولایت د کار او ټولنیزو چارو ریاست د مسؤلینو په وینا؛ یادو ځوانانو ته، چې ډېری یې له پاکستان هېواده بېرته راستانه شوي کډوال او بېروزګاره دي د شپږو میاشتو لپاره د غالۍاوبدلو، مبایل ترمیم او نجارۍ په حرفو کې د زدهکړو زمینه برابره شوېده او پدې جریان کې به هغوی ته هره میاشت شپږ زره افغانۍ د مدد معاش په توګه هم ورکول کیږي، تر څو له دې لارې په راتلونکي کې د ماهرو کارګرو په توګه د کار بازار کې شامل او د خپل کاروبار څښتن وګرځي. همداراز په پام کې ده، چې د دې پروګرام له لارې په راتلونکي کې هم ۹۰۰ تنه نور ځوانان جذب شي.
باید څرګنده شي، چې د کار او ټولنیزو چارو وزارت او د شپول همکارې مؤسسې ترمنځ د لاسلیک شوي هوکړهلیک په اساس، دمګړۍ د مرکز اسعد آباد په ګډون د کنړ ولایت د مختلفو ولسوالیو ۱۸۰۰ تنه ځوانان د مختلفو حرفو په زدهکړو بوخت دي.
