میدان وردگو کې د ۱۴۰ تنو یتیمو او بېسرپرستو ماشومانو کورنیو سره د ژمنیو توکو مرسته وشوه
د میدان وردگو ولایت د کار او ټولنیزو چارو ریاست په هڅو په مرکز میدان ښار کې پر ۱۴۰ تنو یتیمو او بې سرپرستو ماشومانو پر کورنیو باندې دAD plus O مؤسسې په مالي ملاټر مرستې ووېشل شوې.
د وېش پر مهال د میدان وردګو ولایت د کار او ټولنیزو چارو رئیس مولوي عبدالغفور حیدري وویل: دا مرستې چې په هغه کې کورتۍ، جاکټونه، جورابې، دستکشې او نور توکي شامل دي؛ د ژمي په راتګ سره د سړو او سختو شرایطو لپاره د زیانمنو ماشومانو ته ووېشل شوې.
د مرستو له ویش څخه د یتیمو او بېسرپرسته ماشومانو خپلوانو مننه او خوښي څرګنده او د لا زیاتو مرستو غوښتونکي شول.
