په ارزګان ولایت کې یو سل او پنځهاویا تنو یتیمو او بېوزله ماشومانو سره د ژمنیو توکو مرسته وشوه.
د ارزګان ولایت د کار او ټولنیزو چارو ریاست په خپلو هلو ځلو او نوښت سره د هغه ولایت د امارتي روزنتون پر ۱۵۰ تنو یتیمو او بېسرپرسته ماشومانو باندې ژمني توکي وویشل شول. هغې غونډې ته؛ چې په همدې مناسبت جوړه شوې وه؛ د ارزګان ولایت د کار او ټولنیزو چارو رئیس الحاج قاری عزیزالله جهادمل وویل: خوښ یم چې د امارتي روزنتون پر ماشومانو نن ورځ کوټونه،کالي ،جرابې، بوټونه، پټو، خولۍ، کمپلې او نور د اړتیا وړ توکي ویشو.
قاري عزیزالله همداراز د خیریه بنسټونه او مؤسساتو څخه هم وغوښتل چې د یاد قشر لاسنیوی وکړي، ځکه چې یتیم او بېسرپرسته ماشومان زموږ د ټولنې تر ټولو مظلوم او زیانمشر قشر او تر ټولو اقشارو زیاتې پاملرنې ته اړتیا لري. له اروزګان ولایت څخه د یو بل خبر له مخې کې د یاد ولایت په مرکز او اړوندو ولسوالیو کې له ۲۵ اړمنو کورنیو سره، چې د خپلو ماشومانو د بېلابېلو ناروغیو درملنې لپاره یې د درملو اخستلو توان نه درلود د KRO همکارې مؤسسې په مالي ملاتړ له ۳۵۰۰ څخه تر ۱۰۰۰۰ افغانیو پورې نقدي مرسته وشوه
