افغان ـ کوریا د فني او حرفوي زده کړو انستیتوت کې د ۱۳۹۹ ښوونیز کال لپاره کانکور آزموینه واخیستل شوه.
افغان ـ کوریا د فني او حرفوي زده کړو انستیتوت کې نږدې دوه زره هیوادوالو څخه د کانکور آزموینه واخیستل شوه، چې له دې ډلې به ۵۵۰ تنه هغه ځوانان چې لوړې نمرې تر لاسه کړي، یاد انستیتوت کې به جذب شي.
د افغان ـ کوریا د فني او حرفوي زده کړو انستیتوت مسؤل میر جلال الدین هشام د یاد کانکور پرانستې مراسمو کې وویل، چې په دې آزموینه کې نږدې دوه زره د نهم او دولسم صنفونو فارغانو نوم لیکنه کړې، چې ۵۵۰ تنه هغه به چې لوړې نمرې تر لاسه کړي، د یاد انستیتوت اوه ( کمپیوټر، ولډنګ کارۍ، انګلیسي، خیاطي، ساختماني، د موټر ترمیم او نلدوانۍ) څانګو کې جذب، درې رشتو کې د شپږ او څلور څانګو لپاره د یو کال په موده کې به ورته مسلکي زده کړې ور کړل شي.
د ویلو ده چې افغان ـ کوریا د فني او حرفوي زده کړو انستیتوت د کار او ټولنیزو چارو وزارت له مهمو انستیتوتونو څخه شمیرل کیږي، چې ۸۰ سلنه درسي سیستم یې عملي او هر کال ترې شا او خوا ۱۰۰۰ تنه فارغیږي او نظر به سروې ګانو د یادو فارغانو ۷۰ سلنه فارغان دندې هم پيدا او یا یې هم خپله شخصي کاروبار پيل کړی دی.
