پکتیکا کې د فني او حرفوي زدهکړو مرکز پرانېستل شو؛
د کار او ټولنیزو چارو وزارت د کار چارو معین مولوي محمد زاهد احمدزي د یوه پلاوي په مشرۍ د پکتیکا ولایت مرکز ښرنې ته سفر وکړ او هلته یې د فني او حرفوي زدهکړو مرکز پرانیست.
دې ناسته کې چې د مختلفو ولایتي ادارو مسؤلینو حضور درلود؛ د کار چارو معین خپله وینا کې څرګنده کړه: د کار او ټولنیزو چارو وزارت هوډ لري، چې د فني او حرفوي زدهکړو او ځینو نورو مؤثرو برنامو د تطبیق له لارې د بیکارۍ کچې په کمښت کې مثبت رول ولوبوي او دا دی پکتیکا ته زمونږ د سفر موخه هم د دې ولایت ۱۸۰ تنو ځوانانو ته د فني او حرفوي زدهکړو د مرکز پرانېسته ده، چې دې کې به په پنځو( برښنا، د موبایل ترمیم، موټرسایکل جوړونې، خیاطۍ او نجارۍ) حرفو کې ځوانان په شپږو میاشتنیو زدهکړو بوخت شي.
مولوي محمد زاهد احمدزي د خپلو خبرو په دوام وویل: هڅه به کوو ترڅو دا پروګرامونه د پکتیکا ولایت مختلفو ولسوالیو ته وغځوو ترڅو ډېر شمېر ځوانانو ته د زدهکړو زمینه برابره شي ترڅنګ یې د پکتیکا ولایت د کار او ټولنیزو چارو ریاست اړتیاوو ته هم د امکان تر بریده رسېدنه کوو، چې مسؤلین یې وکولای شي
