د UNIDO دفتر استازو سره د کار او ټولنیزو چارو وزارت سرپرست لیدنه
کابل: ۱۴۰۰/۵/۵ هـ ش
د کار او ټولنیزو چارو وزارت سرپرست او د کار چارو مرستیال عبدالغفور ملکزي د UNIDO دفتر استازو سره خپل کاري دفتر کې و کتل.
دې لیدنه کې دواړو لوریو د فني او حرفوي زده کړو فارغانو ته د کاري فرصتونو برابرولو اړوند شپږ اونیزه کورسونو او فني او حرفوي زده کړو کریلکولم غني کولو اړوند خبرې و کړې.
د کار چارو مرستیال د خپلو خبرو په ترڅ کې د اړونده موضوعاتو په برخه کې د همکارۍ له امله د یاد دفتر له مسؤلینو څخه د خوښۍ په څرګندولو سره، ژمنه و کړه چې د کار او ټولنیزو چارو وزارت به هم په ښه همغږۍ له یاد دفتر سره همکاري و کړي.
د ناستې په پای کې دواړو لوري ژمن شول، چې د ذکر شویو موضوعاتو برخه کې د لا ښې همغږۍ او همکارۍ په موخه به له دواړو لوریو یو تخنیکي ټیم جوړ او کار و کړي.
