افغان ـ کوریا د فني او حرفوي زده کړو انستیتوت شاګردانو فراغت غونډه
دغو فارغانو چې دريوو مختلفو ( کمپيوټر، انګليسي او خياطي) څانګو کې يې شپږ مياشتې زده کړې تر سره کړې وې، نن ورته په شانداره مراسمو کې فراغت پاڼې او ډالۍ ور کړل شوې.
په همدې موخه جوړه شوې غونډه کې د کاري چارو مرستیال سید عبدالکریم هاشمی؛ د ښوونکو ورځې او فارغانو ته د مبارکۍ ترڅنګ وویل: د فن او حرفې زده کړه د کارموندنې او آرامه ژوند یو ښه عامل دی.
نوموړي وويل: د کار او ټولنيزو چارو وزارت تل هڅه کوي، څو د فن او حرفې له لارې هيوادوالو ته د کار زمينه برابره او د بېکارۍ سطحه را ټيټه کړي.
غونډه کې د افغان ـ کوریا د فني او حرفوي زده کړو انستیتوت آمر میر جلال الدین هشام هم فارغانو ته مبارکې وویله، زیاته یې کړه: افغان ـ کوریا د فني او حرفوي زه کړو انستیتوت شاګردانو ته د فن او حرفې ور زده کولو تر څنګ د کارموندنې په برخه کې هم هڅه کوي. هشام زیاته کړه، چې په دې ښوونیزه او روزنیزه دوره کې له دریوو ( کمپيوټر، انګلیسی او خیاطي) څانګو څخه ۱۴۰ تنه فارغ او نن یې د فراغت پاڼو د ویشلو شاهد یو.
د ويلو دی، چې افغان ـ کوريا د فني او حرفوي زده کړو انستيتيوت، ۱۳۸۴ هـ ش کال د دوست هيواد کوريا په مالي مرسته جوړ او د کار او ټولنيزو چاررو وزارت تر چتر لاندې فعاليت لري، چې اتيا سلنه درسونه په کې عملي او د کار بازار مطابق دي، ياد انستيتيوت کې تر دې مهاله تر اوه زره زيات شاګردانو روزل شوي او د خدمت په موخه ټولنې ته وړاندې شوي دي.
